યુવક મંડળની મૂક સેવિકા

૧લી મેના યુવક મંડળ એક ખાસ કાર્યક્રમમાં જે કાર્યકરોએ યુવક મંડળના ૫૦ વર્ષના કાર્યકાળમાં સેવા આપી છે તેઓનું બહુમાન કરી રહ્યું છે. સુવર્ણ જયંતિએ આનંદ અને ઉત્સાહનો પ્રસંગ છે તે કહેવાની ભાગ્યેજ જરૂર છે. આવા પ્રસંગોએ જે જગ્યાએ પ્રસંગ હોય તેને સુશોભિત અને હુફાળો કરવાનું પણ એટલું જરૂરી અને અગત્યનું હોય છે. દા.ત. જે કોઇ ઘરમાં લગ્ન હોય તેના સભ્યો પ્રસંગ અનુરૂપ સારામાં સારા કપડાં ખરીદશે કે સિવડાવશે એટલું જ નહી ઘરને પણ રંગશે અને શણગારશે જેથી ઘરમાં ઉત્સવ હોય તેવો માહોલ બનશે. પરંતુ અરેરે! આપણી ઓફીસ જોઇ ? તદ્દન ખરાબ હાલતમાં છે. દિવાલોમાં તડો છે અને રંગ ઉતરી ગયેલ છે. ફર્નિચરના ઠેકાણા નથી. ઓફિસમાં કોઇ ગોઠવણી નથી. નથી ફોન કે નથી એ.સી. . આ બધું કારોબારીમાં ઉત્સાહનો અભાવ દર્શાવે છે. સુવર્ણ જયંતિ વર્ષમાં હજુ પણ દિવાલો રંગવાનો અને થોડો ઘણો સુધારો વધારો કરવાનો સમય છે. આ કારોબારૌ કરશે ? જો એવું થશે તો ઓફિસનું પણ બહુમાન થયું ગણાશે